வேப்ப மரத்தடியில் வீற்றிருக்கும் | Veppa Marathadiyil Veetrirukkum

வேப்ப மரத்தடியில் வீற்றிருக்கும் மாரியம்மா
கேட்ட வரம் அளிப்பாள் கிராமத்து காளியம்மா
மஞ்சளிலே குளித்திருப்பாள் குங்குமத்தில் சிரித்திருப்பாள்
நெஞ்சில் நிறைஞ்சிருப்பா நீலி மகமாயி அம்மா
ஆனந்த ஞான ரதம் ஏறிவந்தாள் மாரி
ஆடிடுவோம் பாடிடுவோம் ஆலயத்தில் கூடி
அம்மன் புகழ்பாடி எங்கள் அம்மன் புகழ்பாடி
ஆவணியில் அவதரிச்சா காளி மகமாயி
வேலப்பன் சாவடியில் வேற்காட்டு மாரி
பாம்பாக உருவெடுத்தா பார்வதியாம் தேவி
பவுர்ணமியில் பால் நிலவில் படமெடுத்து ஆடி (ஆனந்த)

வேலாயுதத் தீர்த்தம் அது நோயாளியை தேத்தும்
வேப்பிலையின் வாசம் பல வியாதிகளை ஓட்டும்
எலுமிச்சம் பழத்தினிலே இருக்கும் மகமாயி
எமனுக்கும் எமனாவாள் எங்கள் கருமாரி

ஆயிரம் கண் அம்பிகையின் ஆராதனை பாரு
ஆலால சுந்தரியின் கோலாகலம் ஜோரு
அங்காள பரமேஸ்வரி சங்க நாதம் கேளு
ஆலயம்மன் கோவிலிலே காவடி நீ ஆடு (ஆனந்த)