DivineInfoGuru.com திருப்புகழ் பாடல் 168 – பழநி
ராகம் – பைரவி; தாளம் – திஸ்ர ஏகம் (3) (எடுப்பு – 1/2 இடம்)
தனன தனன தனன தனன
தனன தனன …… தனதான
திமிர வுததி யனைய நரக
செனன மதனில் …… விடுவாயேல்
செவிடு குருடு வடிவு குறைவு
சிறிது மிடியு …… மணுகாதே
அமரர் வடிவு மதிக குலமு
மறிவு நிறையும் …… வரவேநின்
அருள தருளி யெனையு மனதோ
டடிமை கொளவும் …… வரவேணும்
சமர முகவெ லசுரர் தமது
தலைக ளுருள …… மிகவேநீள்
சலதி யலற நெடிய பதலை
தகர அயிலை …… விடுவோனே
வெமர வணையி லினிது துயிலும்
விழிகள் நளினன் …… மருகோனே
மிடறு கரியர் குமர பழநி
விரவு மமரர் …… பெருமாளே.