Thiruppugazh Song 285 – திருப்புகழ் பாடல் 285

திருப்புகழ் பாடல் 285 – திருத்தணிகை

தனனத் தனனத் தனனத் தனனத்
தனனத் தனனத் …… தனதான

பொரியப் பொரியப் பொலிமுத் துவடத்
துகளிற் புதையத் …… தனமீதே

புரளப் புரளக் கறுவித் தறுகட்
பொருவிற் சுறவக் …… கொடிவேள்தோள்

தெரிவைக் கரிவைப் பரவைக் குருகிச்
செயலற் றனள்கற் …… பழியாதே

செறிவுற் றணையிற் றுயிலுற் றருமைத்
தெரிவைக் குணர்வைத் …… தரவேணும்

சொரிகற் பகநற் பதியைத் தொழுகைச்
சுரருக் குரிமைப் …… புரிவோனே

சுடர்பொற் கயிலைக் கடவுட் கிசையச்
சுருதிப் பொருளைப் …… பகர்வோனே

தரிகெட் டசுரப் படைகெட் டொழியத்
தனிநெட் டயிலைத் …… தொடும்வீரா

தவளப் பணிலத் தரளப் பழனத்
தணிகைக் குமரப் …… பெருமாளே.